Farg‘ona davlat texnika universiteti professori Sirojiddin Ergashev ilm-fan va ta’lim rivojiga qo‘shayotgan munosib hissasi uchun II darajali “Sog‘lom avlod uchun” ordeni bilan taqdirlandi.
Professor 200 dan ortiq ilmiy-uslubiy ishlar muallifi. Uning ilmiy rahbarligida Farg‘ona shahri va Andijon viloyatining Marhamat tumanida mikro-GESlar barpo etilib, foydalanishga topshirilgan.
Sirojiddin Ergashev xalqaro ilmiy hamkorlikni rivojlantirish, ilg‘or tajribalarni o‘rganish va ilmiy ishlanmalarni amaliyotga joriy etish borasida ham faoliyat olib bormoqda. U nufuzli xorijiy ilmiy konferensiyalarda muntazam ishtirok etib kelmoqda.

Batafsil videolavhada

Ilmga sadoqat, ustozlikka fidoyilik va sharafli umr yo‘li.

Farg‘ona davlat texnika universiteti “Kimyo muhandisligi” kafedrasi professori, taniqli olima Mirsalimova Saodat Raxmatdjanovnaning hayoti va ilmiy faoliyatiga bag‘ishlangan videolavha.
Ustozning ko‘p yillik samarali mehnat faoliyati, ilmiy izlanishlari, pedagogik tajribasi hamda shogirdlar tayyorlash borasidagi xizmatlari alohida e’tirofga loyiq.
150 dan ortiq ilmiy-uslubiy ishlar, jumladan, ilmiy maqolalar, monografiyalar, darslik va o‘quv qo‘llanmalar muallifi bo‘lgan professor S.Mirsalimova bugungi kunda ham ilmiy-pedagogik faoliyatini samarali davom ettirib kelmoqda.
Ustozning ilm-fan va ta’lim yo‘lidagi fidokorona mehnati yosh avlod uchun munosib ibrat maktabidir.